O Concello de Nigrán viuse obrigado a precintar os puntos verdes ante o abuso que fan del empresas de diferentes sectores, abandonando todo tipo de residuos como plásticos e mobles. A policía local estivo vixiando os puntos verdes e sancionando ás empresas que os utilizasen, xa que os únicos destinatarios son os particulares. De momento, reúnense multas por 6.000 euros, cantidade que podería aumentar durante o mes de setembro.
O servizo manterase para os veciños os luns, martes e mércores na leira situada nas Baleazas de once a unha do mediodía.
O goberno local estuda outras posibilidades para as que terá que chegar a un acordo con diferentes entidades como CESPA, a Mancomunidade de Montes do Val Miñor ou a Zona Franca. O obxectivo é mellorar o servizo pero respectando o medio ambiente.