Monteferro, no concello de Nigrán, é unha pequena península situada na punta sudoeste da Ría de Vigo.
Aínda que xa urbanizada na zona do istmo, o resto (unhas 85 hectáreas correspondentes na súa maior parte a monte en man común) constitúe o último reducto verde na banda sur da nosa Ría. E tamén un caramelo para a especulación.
No ano 2005 un proxecto de Concello e Deputación pretende construír arredor do monte unha descomunal carreteira, de ata 16 metros de ancho, con principio e fin nunha súper rotonda de 36 m. de diámetro. Farois, beirarrúas, aparcamentos, e... traída de augas. En xullo a obra é adxudicada a unha empresa de Lalín.
Todo isto coa conivencia da directiva da Comunidade de Montes, que, neses días, levaba a cabo cortas salvaxes do arborado, arrasando zonas enteiras do monte e creando gran alarma social.
O 19 de novembro é incendiado, diante do seu domicilio, o coche do portavoz do grupo municipal do BNG David Giráldez, que viña denunciando a ilegalidade, tanto da obra proxectada, como da deforestación.
(Aparte de outras irregularidades, as Normas Subsidiarias de Nigrán cualifican Monteferro como Espacio Natural, prohibindo explicitamente o asfaltado de novos camiños, os movementos de terras e as cortas de arborado que non se fagan por entresaca).
“Salvemos |
O 13 de xuño presentamos no Concello 9.575 firmas contra o proxecto de vial e as cortas, ademais dun rigoroso estudio para buscar alternativas de futuro a Monteferro, respectando sempre o seu carácter de espacio natural. Copias das sinaturas presentáronse tamén na Deputación e en Política Territorial.
Actuamos ante a Xunta, con denuncias, alegacións e entrevistas, nas Consellerías con competencias no asunto: Medio Ambiente, Medio Rural e Política Territorial.
No outono de 2006, o plan, que xa fora notablemente rectificado á baixa, viviu un intento de reactivación desde o Concello, intento respondido por unha nova mobilización.
Pouco despois, en xaneiro de 2007, Salvemos Monteferro anunciaba que o proxecto fora definitivamente retirado, e o convenio Concello-Deputación quedaba roto. |
O PXOM de Nigrán
O 2 de xuño de 2006 unha revolta popular impediu, coa toma da Casa do Concello, a aprobación inicial do PXOM.
Desde as 8'30 da mañá ata as 4 da tarde os veciños impediron a celebración dun pleno municipal fixado para esa primeira hora nun intento de evitar a súa presenza. Só a chegada dun forte continxente de antidisturbios da Guarda Civil permitiu a saída do Alcalde e os membros do equipo de goberno, atrincherados no despacho do rexedor tras unha forte barreira policial.
Ese PXOM, agora retirado á espera das próximas eleccións municipais, pretendía perpetuar o negocio inmobiliario e a especulación nas zonas costeiras do Concello, e tamén o abandono e a falta dos servizos máis elementais nas parroquias do interior.
Planeaba a construción de 7.000 novas vivendas nun concello de 17.000 habitantes, no que o 42% das edificacións actuais permanecen baleiras a maior parte do ano.
Súmense a isto as fundadas sospeitas de información privilexiada, algo que era vox populi daquela e que agora pesa como denuncia da fiscalía sobre o alcalde e cinco membros da corporación. Todos os solos urbanizables e polígonos con máxima edificabilidade rexistraron desde 2002 importantes operacións de compra de terreos.
DEPURADORA
Nada dicía en cambio ese PXOM respecto á depuradora de augas residuais municipal que, como todas as da ría, padece graves deficiencias.Tan graves que a rotura do emisario no pasado verán amosou, mar adentro, a saída incluso de residuos sólidos (preservativos e compresas) no medio de augas negras, sen depurar o máis mínimo.
Nese sentido compre lembrar aquí esta nova sobre a Foz do Miñor:
18/10/06 Los vertidos fecales acaban con el marisqueo en la Foz La contaminación impide vender los productos en fresco .... Ler noticia |
Certo que a depuradora responsable desta desfeita non é tanto a de Nigrán como a de Gondomar, situada río arriba, pero... ¿Como será posible que ningunha funcione minimamente?
Por outra banda, a moi turística Baiona (que verte na Foz parte dos seus desaugues) non é que teña unha depuradora deficiente, senón que non ten ningunha.
E claro, uns meses despois de pechar ó marisqueo a Foz tocoulle a toda a baía de Baiona:
10/04/2007 La contaminación obliga a Pesca a cerrar al marisqueo Baiona También impide la venta en fresco de bivalvos de la ría de O Burgo y parte de la de Pontevedra... Ler noticia |
¿Onde están os responsables destas desfeitas? En calquera outro lugar probablemente haberían dado cos seus ósos na cadea, pero aquí seguen quentando as poltronas dos seus despachos oficiais.
A Foz do Miñor
A Foz, o esteiro do Río Miñor, constitúe un Lugar de Interese Comunitario (LIC) dentro da Rede Natura 2000.
A grave contaminación que padece polos vertidos fecais sen depurar, ademais de acabar co importante recurso do marisqueo, ameaza a moitas aves que atopan aquí refuxio e alimento.
O seguinte listado, elaborada en base ás observacións de Cesar Vidal (Sociedade Galega de Ornitoloxía), Fernando Lahuerta (Instituto de Estudios Miñoranos) e Jaime Saiz, inclúe máis de 120 aves de 36 familias diferentes.
Clicando sobre calquera das familias citadas abrirase unha fiestra explicativa con numerosos datos.
Esta lista procede da páxina A FOZ: o esteiro do río Miñor na que atoparedes moita máis información sobre este importantísimo espazo natural.
|