Os agresores non teñen acougo. So teñen tempo, cartos e o apoio incesante das administracións. Éstas cambian as leis a súa medida, enchen os petos das empresas con cartos públicos, expropian terreos con superficies moi superiores ás necesarias, esnaquizan patrimonio, corrompen augas subterráneas, destrozan o territorio, a fauna e a flora e todo para gañar a maior cantidade de cartos posibles.

Os cartos, a medida pola que se rixe o mundo. Cando toleou o homo "sapiens" para convencer á especie de que os cartos son a vara de medir da humanidade?

Esta nova aberración, unha máis das moitas que pretenderon invadir a serra da Groba, consta de catro parques eólicos, cada un deles con so un aeroxerador. Catro parques suporpostos, que ocupan moito territorio común. Con nomes como Margarita 18 · Cote 25 · Nao 19 ou Galera 25

Estes parques están proxectados por empresas distintas, SAVANNA POWER SOLAR, 21 S.L.U, ARENA POWER SOLAR, 09 S.L.U. e SAVANNA POWER SOLAR, 22 S.L.U. aunque curiosamente, as 3 empresas comparten o domicilio social. Cousas veredes.

Estes poxectos destructivos que levan xa moitos anos ameazando a serra da Groba, foron ampliamente rexeitados polos concellos que comparten a zona, por asociacións cidadás, por comunidades de montes e pola propia cidadanía que manifestouse en repetidas ocasións contra este tipo de proxectos. Ainda así, a teimosía de empresas e administracións non ten descanso.

Así que temos que volver a solicitar a vosa colaboración para tentar botar abaixo unha vez máis este novo proxecto destructor.

Moitísimas grazas pola túa colaboración.